كلمات راجع بتسال نجاة الصغيرة
راجع بتسال ده انا اللي بسال مين انت قوللي مين
وجاي لمين هنا قوللي مين مين قوللي
الليالى اللي قطفنا من نجومها حلاوتها
والنهار اللي اتقابلنا فيه ونام الخوف ساعتها
فاكر الشمعة اللى طفاها الهوا فاكر الوردة اللى بوسناها سوا
الليالى كلها دابت على نار البعاد
والنهار تاه فى ليالي الشوق وليل الشوق سواد
راجع بتسال ده انا اللي بسال
مين انت قوللي مين وجاي لمين هنا قوللي مين مين قوللي
عايزنى ابتسملك نسيتني الابتسام
مش عارفة ايه اقولك ما فيش عندي كلام
فاكر الشمعة اللي طفاها الهوا فاكر الوردة اللي بوسناها سوا
لو خليتلي امل حواليا كنت اشتاق واحن اليك
لو خليتلي دموع فى عينيا كنت قدرت ابكيها عليك
راجع بتسال ده انا اللي بسال
مين انت قوللي مين وجاى لمين هنا قوللي مين مين قوللي
كلمات اغاني نجاة الصغيرة راجع بتسال
غناء : نجاة الصغيرة
كلمات : مامون الشناوي
الحان : بليغ حمدي