كلمات راح ونسى عبدالله ال فروان
راح وتركلي جرح ماهوب طايب
يامن يعلمني على درب ممشاه
واشم زين الطيب ريح الهبايب
بسبابها كم قلت للجرح ويلاه
تبكي دموع العين مثل السحايب
راحت سنين العمر وانا اتحراه
عل وعسى يبري جروحن عطايب
ياجاهلين الحب هذي خفاياه
ياكم صغيرن بالعمر صار شايب
شايب وبالع ضيمه اللي تولاه
ساكت قهر والبخت ضايع وخايب
يصفق بكف الكف من شر ماجاه
ويمسح دموعه من جروحن لهايب
الحب بلوى شر منهو تعاطاه
يبقى طريح فراش والحال عايب
تبقى حياته بين ونة معاناه
وجروح وقتن بالحشا له ندايب
كلمات اغاني عبدالله ال فروان راح ونسى
غناء : عبدالله ال فروان
كلمات : جزاء بن عبدالله
الحان : عبدالله ال فروان