كلمات راسي تقادح سعاطيره فهد بن فصلا
فرق شعري ابدعه ونظمه وتصويره
وذالليل هاجوسي يبي يصخر الابيات
ولايسوق غير اللي يشوش جماهيره
قصيدن يجملني ويجمل هل الفزعات
وعلى مدحهم راسي اتقادح صعاطيره
وانا شاعرن ضاري على حبكت الجزلات
ورفيقي اوقف له ويبشر بتقديره
جذبني نبا الصامل راع الفعل والوقفات
شجاعٍ من ارجالٍ لهم بالوفا سيره
ولا اخيب الهقوه ليا كبرت الهقوات
ولاني من يقدم لربعّه معاذيره
..
الكويتي لسعودي ياقف اوقوف المفده
والسعودي للكويتي مايحّسب لصعايب
صف واحد من خلقنا في رخا والا في شده
ويل الاعدا لاوقفنا واقبعت نار الحرايب
...
بسم ظاهر ارحبو ياهل القدر الكبير
ارحبو على الغلا والعلوم الغانمه
في زواج الصيرمي راعي الفعل الشهير
عبدالرحمن الذي كل قول يتممه
ابن منهو لارتكى شال ماشال البعير
ظاهر اللي صاحبه لصعايب يزهمه
ابلج اليا من عطا يغتني منه الفقير
وصف الاعدا لاقدم بالملاقى يقسمه
سمع ذكره الاصم شاف فعله الضرير
من فعايله الوفي كل ربعه تحشمه
من رجالٍ فعلهم فعلٍ يسر النظير
روسٍ تدوس الخطر والمعادي تكعمه
بني شهر اللي ليا صاح صياح النذير
سببو من بطشهم بالاراضي ملحمه
يرخصون اعمارهم دون لباس الحرير
والخصيم اليا احتمو كسروله اعلمه
والخوي في ضفهم عاش في نعمه وخير
ولا خلق ربي بهم لاضعيف ولا رخمه
والقصيد النخبوي في مزبنت الجوير
يفتخر في حبكته كل شاعر ينظمه
والله اني في هل الفعل والسيف الشطير
اتنومس وافتخر والعذر ما قدمه
ومن يعتزي بّني بكر يبشر بحقه ومخدوم
في ظلهم عاش الضعيف اللي شكى مر الحياه
صبيان تغلب لاوقفو ماتحسب حساب الخصوم
ويحظ منهو محزمه صلايب الروس الدهاه
بني شهر لاقنبعت تاطا على روس الرخوم
وافعالهم عند اللقى تشهد لها كل الرواه
اهل الفعل واهل السخا واهل العوايد والسلوم
ومداتهم ماتنحصي وتاريخهم كلن حكاه
وبأمر مليك المملكه توطي اكبار العزوم
واليا ضربو جيش العدا من ضربهم يرجع وراه
واعمارهم متفانيه دون الوطن عند اللزوم
والعايل اليا من زما تاتيه من كل اتجاه
الله يعز المملكة ويعز سلمان الجزوم
ومحمد اللي هيبته تهيب اجموع الطغاه
معلومات
راسي تقادح سعاطيره
كلمات عبدالله بن مرزوق الشملان
مهداة لـ عبدالرحمن بن ظاهر البكري
اداء فهد بن فصلا
تنفيذ بصمة الابداع
كلمات اغاني فهد بن فصلا راسي تقادح سعاطيره
غناء : فهد بن فصلا
كلمات : عبدالله بن مرزوق الشملان
الحان : فهد بن فصلا