كلمات راعي الجزيله احمد الشحري
مال الجزايل غير راعي الجزيله
لا قلت الحيله لها خلج حلال
ناصر بن الشراخ ما فيه حيله
ابو اليتيم اللي ذرف دمعه وسال
عون الفقير اللي مله من يشيله
واخو الكبير اللي ما له اخ وعيال
يورد الضامي على سلسبيله
ساس وعريب اليد ومعرب افعال
شاعر ومن جاراه في الشعر ويله
كريم سبلا للمضاييف مدهال
عون السجين وزبن ربع ودخيله
باقول حق وكلمة الحق تنقال
ناصر بن الشراخ فخر القبيله
تفخر به وهيبة من الجال للجال
فعله يدرس كل جيلن بجيله
كل القبايل تحشمه وين ما جال
لنه يقدرهم قبيله قبيله
والله انك في الوفاء مضرب امثال
شرواك يا بو سعيد منهو مثيله
تمت ولك مني تحياتن جزال
وياجعل ابوك في روض جنه ضليله
معلومات الاغنية
اهداء إلى الشاعر ناصر بن الشراخ الوهيبي
كلمات سالم بن محمد بن حمد العويسي
اداء أحمد الشحري
توزيع ومكساج فاروق باصبيح
استديوهات السامري ميوزك
كلمات اغاني احمد الشحري راعي الجزيله
غناء : احمد الشحري
كلمات : سالم بن محمد بن حمد العويسي
الحان : احمد الشحري