كلمات ربعي يحتمون التوالي جفران بن هضبان
وعرضت اجزال القوافي على حلالها
واستوت لي قافيتها وشديت العنان
كيف ماتمشي القوافي وانا خيالها
وانتحت بي قافيتها ومسيت البطان
للغوالي الي على الكل تفرض حالها
نخبة تلاد الجزيره لها قيمه وشان
عند كل مردد رايف باحوالها
كل صفرا تشعف الجمع في يوم الدحان
ماغطى ضول الجماهير حتى جلالها
كنها فوق الترايب تطعن بالسنان
من تنهاض أرقبتها وطت حكالها
زامين عرنونها فوق قلتها وبان
زاهين قوو رثمتها وطول اسبالها
بنت هرش مع هل الصفر ماجاله اخوان
ناتبه عبدان الأول بطيب اسلالها
تقنع الي طامع قبل تصريح اللجان
وتبعد رموز المزاين على الي جالها
كل صفرا مانشعها من المشرق وخان
من قديم والخرايف تهد عيالها
ساسها عاد المعاشير تحمى بالطعان
عاد بقعا تصتفق بالقنا وسلالها
عاد ربعي يحتمون التوالي والجبان
لابتن دون المضاهير ترخص حالها
ويل منهو في نحاهم نهار الكون بان
وحدته سو المقادير قدم ابطالها
نسل عود ماقفه كل ماصد الهدان
جعل فاضل جنة الخلد في منزالها
العذبه رمز طيب خذا سمعه وشان
عزوة دون المواجيب ترخص مالها
روس بشر الي يبنون في روس البيان
فعل ماضين الفعايل زها منزالها
آل مره والمراجل غدو كنهم اخوان
قلتها من باب فخر وغيري قالها
كلمات اغاني جفران بن هضبان ربعي يحتمون التوالي
غناء : جفران بن هضبان
كلمات : محمد بن ناصر ال فاضل
الحان : جفران بن هضبان