كلمات رعبوبه ماجد خضير
تقسم عليها العيون إلا تلاخصها
مهراع ربوه تجوب الدعب وتلوبه
مخامري خلفها خلت مباحصها
عفري جوالة قهب عطبول رعبوبه
قد مات ضامي على مذروب قانصها
معها أنكر الأيل ريح المسك بذروبه
مع سمكة سهيل ميعاده يراقصها
منه استذارت تباري الجول مرعوبه
تفز فزه تقول الصل قارصها
سلت شفير الرموش تلدها صوبه
كالغافله تغلي النظره وترخصها
الشوف يومي ورا هزراف لاعوبه
مموهه من ذبا الصبحه لمخمصها
نوبه ترود الشتيل وتدرق نوبه
تبطنت لغف وابطيت اتقصصها
والصبر شنه تنز تقول مثقوبه
باقي بها شربه النطاف خلصها
يجيب ربك سحاب الناس ما جو به
هو مردي الذايره عالم تملصها
ربي وانا في الخلا مع درب مذهوبه
أعوذ بك من لغا شدق ينغصها
ما جبت شي عيال العجز عجزو به
لكن بعض السنون أكره تبالصها
والنعم كلمه على شرواي محسوبه
تنقال واللي ماهوب إلها تقمصها
من طيبي ألاعب الطيب بملعوبه
وان ما حصل ضعفها مانيب باقصها
ان عودت بيننا غلبا ومغلوبه
مفلوج من جادل الناس بتخصصها
يا نمر ود الوجار بغار مشذوبه
وأحرص على اللقمه الماو وتفحصها
كني بها تغتوش في جثو مشبوبه
وزوايد الليفه الشعله تقصقصها
إقطع ضرم من مدر لهاة مثعوبه
معرق الريهقان شوي ناقصها
تهج وانطل على سرحان ماجوبه
لا يشهمك مثل ناس نسمع قصصها
ولا اعتذر من لحوح الشيب باكذوبه
قله سمان الهقاوي قلت فرصها
كلمات اغاني ماجد خضير رعبوبه
غناء : ماجد خضير
كلمات : عامر عمار
الحان : ماجد خضير