كلمات رفيقي وقت الغارة صهيب السواركة
جاناكو بقصيدي
باللحن الجديدي
وبزين الانغامي
جاناكوبمجروده
قوافي مشهوده
الكل بمجهوده
بيخط الاقلامي
مرحب علي العوافي
رتبت القوافي
كله من احترافي
مني لكو احترامي
رفيقي يوم ينخاني
بكون حده بثواني
وأشهد يا زماني
يا ما شديت حزامي
رفيقي وقت الغارة
يا ناري قبل ناره
بيفهمني ع الإشارة
ازلام و نظل ازلامي
الله يديمها رفقتنا
ولا حد يفرقنا
فالبوق إحنا غرقنا
أصحاب ومش تمامي
الراجل اللي يخوني
ما نعبره من ما يكوني
والعشرة ما بتهوني
إلا ع ابن الحرامي
اللي يخون الرفاقة
والعشرة والصداقة
هذي عالم بواقة
تستحق الإعدامي
رفيقي الحقيقي
بيظهر وقت الضيق
طريقه مع طريقي
كلامه مع كلامي
أسمع مني يا فالح
رفقتنا مش مصالح
و اللي يقدر ويسامح
نعطيه الإحترامي
اسمع يخالي
رفقنا رجالي
لامافي مجالي
ترافقنا الحيني
رفقنه الصقره
علي الحلوه والمره
رفيقي ماضره
لوطال الزماني
أختم خرافي وقولي
رفقتنا ع الأصولي
صلو على الرسولي
محمد خير الأنامي
كلمات اغاني صهيب السواركة رفيقي وقت الغارة
غناء : صهيب السواركة
كلمات : شريف ابو حجاج
الحان : صهيب السواركة