كلمات ركون السبيع جفران بن هضبان
اوحده وارجي رحمته وتمناها
دروس الحياة أنواع بالحفظ والتسميع
وهذي حفظناها وهذي قريناها
فعلنا الجميل وتالي الوقت قام يضيع
ومن ضيعوه من المعرفه حذفناها
عرضنا معرفة ناقص المرجلة للبيع
على واحد مثله وشرواه بعناها
سوالف هل البزنس بالاعمال والتصنيع
وهذيك بعناها وهذي شريناها
يوصون في حفظ الدراهم وفي التجميع
مشاريع واستثمار ماني بوياها
انا شاعر ماأحتاج شهره ولا تلميع
تمر الظروف القاسية واتحداها
بنوك التجاره همها السحب والتوديع
بنوك المراجل بالمهمات ننصاها
ولا يابن قاعد لا مجامل ولا ترقيع
جمايلك في الاجواد مايلحق أقصاها
فعولك يابو متعب ماتحتاج لتوقيع
كبار الأمور بسد شاربك تحماها
وشخصيتك لمنافسك تعتبر تشجيع
لاكن ماحد يقدر يسوي سواياها
وياكثر ماسنعت ناس تبي تسنيع
وتطاء على روس العدا وتعداها
ابوك اخو عدوه يوم عاد الغني جويع
ياكم نفس غداها وكم نفس عشاها
عطاياه لاعطاها عطايا تذب الريع
ماعمره تحسف بالعطية ليا اعطاها
هذا ابن دهيره سمعته ماتبي امذيع
على صفحة الأمجاد بصمته تلقاها
ماتلقى له أسم في الوكلات والتوزيع
وتلقاه لاصفت اصفوف تمثناها
ماوصى عياله بالتجارة وبالتنويع
على الطيب والطالات والعز رباها
وصارو بشرق المملكه من ركون سبيع
اسمايهم تقدي المدايح وتزهاها
كلمات اغاني جفران بن هضبان ركون السبيع
غناء : جفران بن هضبان
كلمات : جعفر بن جرشب
الحان : جفران بن هضبان