كلمات رمضان كريم احمد حليم
بييجي علينا شهر النور
تحس براحة نفسية
ومتعة ما بين فطار وسحور
تشوف البركة في اللمة
وخير حواليك شمال ويمين
وناس تلاقيها مهتمة
تفطر ناس كتير صايمين
ورب كريم بيتعامل
معانا تملي بالاحسان
وطفل ماصامش يوم كامل
لكن مبسوط أوي وفرحان
منافسة على الثواب والأجر
من المغرب لحد الفجر
حاجات خليتنا نتمنى
يكون طول السنة رمضان
صلاة تراويح بتجمعنا
ومصحف نقرا دايما فيه
ونسأل بعض يوميا
وصلت لحد سورة ايه
ليالي جميلة مفترجة
بندعي تملي فيها نفوز
بأعلى منزلة ودرجة
مكان في الجنة ليك محجوز
ورب كريم بيتعامل
معانا تملي بالاحسان
وطفل ماصامش يوم كامل
لكن مبسوط أوي وفرحان
منافسة على الثواب والأجر
من المغرب لحد الفجر
حاجات خليتنا نتمنى
يكون طول السنة رمضان
كلمات اغاني احمد حليم رمضان كريم
غناء : احمد حليم
كلمات : محمود عبدالله
الحان : محمد النادي