كلمات رهين الصبر زيد القحطاني
مـ أملك سوى عمري وخايف ضياعه
أصعب وقوف تخاف منْه وتحاتي
اللي يجي بين العوض والقطاعه
متى القدر ياخذ يدين أمنياتي
ومتى يقول الحظ سمعاً وطاعه
حبيبي اللي رحت وشلون تاتي
ماعاد عندي للغياب أستطاعه
للحين وآنا اعيش في ذكرياتي
ياماضيٍ حاضر معي كل ساعه
جيتك بعد ماضاقت أربع جهاتي
عاد اعتبرها طيش ولا شجاعه
مافيه احد يقدر يسوي سواتي
ويعطيك قلبه في يدينك وداعه
ياسيَدي يا غايتي يا غناتي
ما للغلا في وسط صدري مناعه
تعال وأجمع ما بقى من شتاتي
وشفني بعد مـ أعلن خفوقك وداعه
بتشوف في وجهي وحيرة سكاتي
دنيا بدونك ما وراها طماعه
معاك تصبح صح غلطة حياتي
اقولها من قلبي وعن قناعه
كلمات اغاني زيد القحطاني رهين الصبر
غناء : زيد القحطاني
كلمات : محمد الكريباني
الحان : زيد القحطاني