كلمات سبحة الطين حيدر ذياب
الدم الحار بس عند العراقي
ابن الجيش عمره سبحة الطين
ميه وواحد ومازال باقي
ينطي انفاسه بس مافرط بگاعه
الجيش اعله اليضده يطيح طرگاعه
شكصر ايده على ابن الكاع والماي
وعل المس السيادة شطولها ذراعه
يعلگون رايه اعله السما الزرگة يعلگون
يفرحون إذا بخير الشعب نايم يفرحون
***.
علگ ترهم بدلتك لليخافون
يشدهه بزنده ويأمن المواطن
حاضن بندقيتك وانت مرتاح
جنك محب من الگلب حاضن
يلزم واجبه ومافكر براحه
واشمهه اعله طوله رسمة سلاحه
اذا سيّر،عليه الموت خطار
يفرش صدره بس لو يخفگ جناحه
يلاويه.. الراد يطول ذراعه ..يلاويه
ويبچيه .. الياخذ شبر من گاعه .. يبچيه
**"""""
مايتراجع وطگ الفشگ حاد
تفوت بصدره يقبل مو على الكاع
ومن يستشهد يظل الجسم حار
البارد جسمه وكت الحرب ينباع
يبن الهور،والاوسط وغربية
عراقي وامك السنيه شيعية
يارحم التعب يابذرة الخير
دُعاة الفتنة ميمشوهن اعليه
نهد بيك.. نشوفك ساتر وواگف.. نهد. بيك
ونلاگيك .. حضن وتأمن الخايف .. نلاگيك
معلومات الاغنية
كلمات : مصطفى الساعدي
الحان : حيدر ذياب
توزيع : محمد شكح
كلمات اغاني حيدر ذياب سبحة الطين
غناء : حيدر ذياب
كلمات : مصطفى الساعدي
الحان : حيدر ذياب