كلمات سبع العجايب نمر الجذع
ما تهب ارياح فرحتها على صدر الشمالي
لي ثمان سنين اكن الضيق ملعون الصلايب
عيف ال حي الحياه وعاش في مر الليالي
تحت جنح الليل جرحن ما لقينا له طبايب
والطبيب ازرى يشخص حالتي والي جرالي
اسفري يا غرة القمرى ورى صدري حرايب
لا متى وانتي ترديني على ذكرى الغوالي
كل ما لاحت بروق الفقد شديت الركايب
لين تاهت وجهتي با الربع يوم الربع خالي
م بطن سود الليالي غير نكبات و مصايب
عيفتني با الحياه وصرت اذوق المر حالي
من لواهب رمضة الحقاف شي من العقايب
ما يتحمل حر لاهب جوهاا حتى الجمالي
ماني ب ناكر وجود السبع ياا سبع العجايب
مير ثامنهااااا على وجه البسيطه ما يبالي
من سبح في غبة الاوهام ب ايشوف الغرايب
غبة فيها العجب و الضيق ب الطرقه موالي
و اشقى الي راح عمره في مهاميه السبايب
لا قدر يسلم ولا هو من تعبهاا اليوم سالي
منت ياصدر المعنى من جروح الوقت طايب
دامك استرخصة بعيون التعاسه كل غالي
يا شجاع الهم اشوفه حاشدن ضدي كتايب
لين ضاق الكون في عيني على كل الحوالي
ياشجاع الوقت ضد الي يسدون النوايب
ما يدك الا عقيد القوم حماي التوالي
لا تهقوى با البعيد ولا تعزوى با القرايب
طوع الكايد بيمينن تعتلي روس الطوالي
كلمات اغاني نمر الجذع سبع العجايب
غناء : نمر الجذع
كلمات : عبداللطيف السلطان
الحان : نمر الجذع