كلمات سرى الليل فهد بن عميان
وانا اليوم ثاني يوم والنفس شايله
فعزاه يانفس عن الدار طايبه
من همومي اللي فالمعاليق صايله
لي شيمة ما تجلب جلب دنيا
فيها من التاريخ زاكي فضايله
الصدق وجهي لاكذب طايح الوفاء
لابد كذبه ما تصيبه حبايله
هقواتي ان الطيب يثمر وينعرف
ولايجهلون اهل المراجل خصايله
تاريخ جداني بعزمه وقوته
ايشرف العاني ويحمي قبايله
الى انتسب هاف النسب في نسب عرب
ما سره التعديل في كرت عايله
يظهر رداه وتنكشف غرته كذا
حيلت رداه اللي تبين محايله
لا يكرم الخاطر ولا يحشم الخوي
دايم على اهل الطيب ينقل غلايله
يخاف من وجهك ويقصر ويتقي
وان غبت جاك بمحمل الكذب شايله
يمد حنجوره ويخدع هل النقاء
ثعل يغش الطيبين بثعايله
ولا ينخدع في حيلة الكذب والردا
غير الكريم اللي تنومس فعايله
ولا هوب عيب الطيب انغر وانخدع
لن طيبه الفطري ماهو بالمحايله
فـ ان كلفتني شيمتي ذبت الشفا
فالرزق غيث ما تحدد مسايله
يرزقني رزاق الهوايش بجحرها
لا خايلت برق ولا هيب حايله
قول الذويبي عقب ماجرب البشر
وانا بقول البيت من عقب قايله
نقل الحرار من المحبه لشوفها
وتاريخنا في حبها ذي دلايله
انعرف بيتيها ونعرف وحوشها
وننتخ من يضيع نظر في مثايله
الى ابتلاها اللي مايبحر بعرفها
مقصوده من المال يملا حصايله
خدش يقول انه يعرف الصقاره
والطير يكفخ في يد الخدش غايله
حنا انتشيخ بالمعرفه ونعتلي
عن قهوجي شيخته شبه مايله
اتراعد كفوفه ذل ماهو من مرض
جعل المرض في روحه وفي شلايله
ماله مع اهل الطيب والفعل سيره
ولا يعدون النشاما جمايله
فالشيخه اللي بالسواليف تنكره
كره الظليمه في قفى اصحاب طايله
وان كلفتني وقفتي شيلت النقاء
بشلها شل الهدور لشوايله
ماني وانا ابن حجاب فالواجب اتقي
واللي سواتي هاذي اردى فعايله
هذا وصلى الله وسلم على النبي
اللي ما تحصى فالمكارم فضايله
كلمات اغاني فهد بن عميان سرى الليل
غناء : فهد بن عميان
كلمات : فهد بن عميان
الحان : فهد بن عميان