كلمات سر المحبين ماجد خضير
ياللي عطاك الله جميع العطايا
زين وقبول وجسماً يثير الإعجاب
وعين الوحش عينك عليها حلايا
والمبسم المعسول مع طول الأهداب
من طولها عينك تراها الضحايا
اليا تشابك طول الأهداب ثم غاب
عنك النظر لو ان عينك رهايا
واليا مشيتي تنثني لجلك ارقاب
من بعدك الترفات هلكاً ضمايا
شاعرك حط البيت ثم شد الإطناب
حط لك بيتن فالضلوع الحنايا
لك يالهنوف إلي لك الحب ماشاب
حبن طبع وأركى وسوا سوايا
ماعاد باقي غير أدوّن لك كتاب
وخوفي كتابي لا يجيب الخفايا
ثم ينكشف سر المحبين ويذاب
ونصبح من الحب الحقيقي عرايا
ارخصت وقتي والقصايد بالاعجاب
ومع كل ما أسويه لجلك هدايا
ماشفت منك الا الجفاء دون الأسباب
مال الجفى في دائرتنا زوايا
ترا الرجاء يابنت الاجواد ماخاب
تراي في وصلك معلق رجايا
عزالله اني من يفكون الانشاب
ويقدّمون الموت عند الحمايا
مير الهوى غلاب ماعنه مجناب
والقلب مدمي فيه مثل الشضايا
حبك قدر بس الجفى حد مخلاب
ويخلي العاشق همومه سرايا
روفي بحال مولعن حب وانصاب
يمكن من التفكير تقف الخلايا
واليا اختلف عقلي ماينفع لك عتاب
وذنبي عليك وعند رب البرايا
تبي تداول كلمتن عند الاقراب
منااحي يكلّم صورته في المرايا
كلمات اغاني ماجد خضير سر المحبين
غناء : ماجد خضير
كلمات : مناحي العايضي
الحان : ماجد خضير