كلمات سلامات يا حبايب محرم فؤاد
سلامات سلامات يا بلدي سلامات يا حضن بلدي
سلامات يا اهل بلدي يا حبايب سلامات
عديت بحر الليالي ونزلت 100 مدينة
لقيت الشوق لبلدي سابقني في كل مينا
سافرت بلاد بعاد وبلاد غير البلاد
وقلبي هو هو مش قادر عل البعاد
ياغربة دوبيني يا اما ترجعيني
وتروحيني بلدي انام في حضن بلدي
واقول لاهل بلدي
سلامات سلامات يا بلدي سلامات يا حضن بلدي
صورة بلدي وحبايبي مرسومة جوه مواويل
مواويل تحت شجرة توت في ضلاية
سواقي تدور تخلي الشمس ورداية
وصبية تملى زلعتها وبتقول شيلها ويايا
مشتاق يا احباب مشتاق وتعبت من الاشواق
الله يجازيكي ياغربة الله يجازيك يا فراق
خدتني من اهلي وناسي وسقتيني كاسي القاسي المر اللي ماينداق
ياغربة دوبيني يا اما ترجعيني
وتروحيني بلدي انام في حضن بلدي
واقول لاهل بلدي
سلامات سلامات يا بلدي سلامات يا حضن بلدي
وحشاني مصر ام القناطر والنخيل والنيل واحلى الذكريات
ام الاغاني الحلوة لليل والقمر والنسمه وخدود البنات
بلدي وسمارها على جبيني بيصحي الشوق ويصحيني
ولاغير ميتها بترويني ولا غير نسمتها بتحييني
يا احلى ليله بيضا يا صحبة ورد بيضا
يا شمعة فرح بيضا وغنوة حب بيضا
قلبي حمامه بيضا بترفرف ع الحبايب وبتحضن الحبايب
وتقول سلامات يا بلدي سلامات ياحضن بلدي
سلامات يااهل بلدي ياحبايب سلامات
كلمات اغاني محرم فؤاد سلامات يا حبايب
غناء : محرم فؤاد
كلمات : سيد مرسي
الحان : بليغ حمدي