كلمات سنام العز اسعد البطحري
سلام عد هطال السحابات الركاميه
رئيس الدوله اللي حبها كل العرب والناس
بلاد حبها عاده من الفطره الإلهيه
غلاته مالها في القلب لا حد ولا مقياس
نهر حبه غمر حتى القيادات الرئاسيه
كسب بالطيب حب الناس وفي الهيه وقف نبراس
وإذا شامت عزومه ما تشوم الا سنافيه
له عزوم من القوه إذا هامت تشد انفاس
يوردها على النيف الطويلات السحابيه
كتب للمجد صفحات نوثقها على الكراس
تعدى في طموحاته خرايطنا الحدوديه
وحنا الشعب له محزم ولو فيها رقاب وراس
معه في السلم والميدان وفي حربه فداويه
توحدنا وتعاضدنا وعلى الخوه بنينا الساس
بنينا دولة الاحلام والسمعه الريادية
مراكزنا على القمه وعزايمنا جبال رواس
نسابق للفخر والعز والنيه قياديه
تربينا على حب الوطن وشيوخنا والناس
تعلمنا الوفا لاوطاننا حاجه مصيريه
سقى الله ذيك الايام الخوالي يوم زايد ساس
مبادئ دولة السبع الامارات السياسيه
هذا محمد ولد زايد سنام العز والنوماس
عطو القاده من الجينات بصماته الوراثيه
كلمات اغاني اسعد البطحري سنام العز
غناء : اسعد البطحري
كلمات : خالد الشملان المري
الحان : اسعد البطحري