كلمات شهران شهران الفخر عبر الازمان جفران بن هضبان
ابوي ليث العرين وسيد الغابه
ابوي لا كبرت القالات ما يمهل
راي حكيم وكريم وفاتح بابه
يا مرحبا بالضيوف وحقهم يكمل
بالعود الازق وبنن جاك صبابه
ويامرحبا عد نو بارقه يشعل
واعداد من زار بيت الله وصلابه
يقولها عمي اللي دايم يجمل
مركى لشهران واقرابه مع اصحابه
في كل لازم تشوفه دايم الاول
من عاد بعقاء صبيه جمل اللابه
الليل ماهو ليل يا دان يادان
الليل ليل المسرجات الاصيله
والشعر مثل الحصن بلجام واعنان
واللي ماهو شاعر فلا تنثني له
وانا مع القيفان مانيب بلشان
ازهم عليها فوق راس الطويله
وتقبل علي كنها مقاديم ودان
وسيل المعاني كل ضلعن يشيله
فيامرحبا باسم النماره وشهران
اهل السيوف المرهفات الصقيله
شهران شهران الفخر عبر الازمان
لاناش خشم الزند راس الفتيله
امن السعف لين الشعف درع وكنان
شرب الدماء في سلمهم سلسبيله
وناهس حماة الحد بالشلف والزان
عدوهم ما كسب غير الفشيله
ادريع يشهد وان تسندت عقدان
والماء يبان ولا تغطه نثيله
ولي لابة وسط الميادين شجعان
صبيان ابن حايز هل المستحيله
فباسمي وباسم عيال عمي هل الشان
اهل الوفاء والطيب واهل الجميله
واللي مامعه عيال عم ولا اخوان
يا عزتي له صدق ياعزتي له
يا مرحبا بضيوفنا قدر الامكان
على الشحم والهيل والزنجبيله
ياضيوفنا بنحطكم وسط الاعيان
حق علينا وانتم اهل الفضيله
كلمات اغاني جفران بن هضبان شهران شهران الفخر عبر الازمان
غناء : جفران بن هضبان
كلمات : محمد سعيد ابن منصور الحويزي
الحان : جفران بن هضبان