كلمات شوق الغايبه احمد الداموك
وحالي انت تدري به
وشوق الغايبه قتال
آمانه ويش أسوي به ؟
امانه لا تجيب اقصاي
والعبره تسوق إحكاي
ولامن طاحت العبره
قويه في مثل شرواي
جروح الوقت و اللوعه
تحز القلب و تروعه
بعد ما ساقه الله لك
ترا ماجاء لك بـ طوعه
حرام اللي تسوونه
في قلب خابت ظنونه
من الايام ومن الناس
يكون الله في عونه
بعد ماحبك اتهيّا
خفوق ٍ قانع و عيّا
وابيك إتصف في صفه
اذا باقي بك حميا
اذا عذرك ( تواقيتك )
تريّح لا تجي .. جيتك
ترا الأعذار مخلوقه
من أوهامك و تشتيتك
انا بَـ وصلك فكره
تراها تنفعك بكره
اذا قلبك ماعمره حب :
اجل من علمه يكرهه ؟
زماني حد سكينه
بعد كثرو معاوينه
وترا كل الجروح كبار
و داوي اللي تداوينه
كلمات اغاني احمد الداموك شوق الغايبه
غناء : احمد الداموك
كلمات : محمد عياد البغيلي
الحان : احمد الداموك