كلمات شيلة ال علوان وقشه قحطان ظافر الحبابي
واحد تخضع له الروس وتذل الجباه
الغني الباسط الرافع الحي الجليل
جل شانه يوم يحمد ولا يعبد سواه
عالم سر الخفى والظروف الي تحيل
بين شرهات الليالي ورغبات الحياه
والفطين الي قنع بالقريب والقليل
تارك درب الشقا للشقي الي بغاه
ون بدى اللازم ترى ماهو بعابر سبيل
عده من الي يقولون دام الله بقاه
شاعر في الشعر لي راية ماهي تميل
ماتزعزعها الهبايب مع كل اتجاه
والشعر فطره وعد قراحه سلسبيل
ماورده الي يسحب على الجمه خطاه
اصخره في لازم الي له القدر النبيل
ذا ولد عمي عسى كل حساده فداه
ارحبوا ترحيبة وزنها وزن ثقيل
في محل من يزوره يشرفنا نباه
مرحبا باسم المهلي عسى عمره طويل
عمي الي سيرته ذايعه عند الرواه
مرحبا باسم آل علوان والجمع المهيل
مرحبا سلم اقحطان المضيمه بالغلاه
في حفل علوان زبن المعنى والدخيل
الف مبروك زواجك على بنت الدهاه
وانت ياعلوان مثلك على الدنيا قليل
جعل ربي يرزقك بالبنين وبالرفاه
نسل عود ماتقى يومها رمح وخيل
ترثة الي ذكرهم مثل نحت في صفاه
لاد بن رايع ما تقلط على المجد بوكيل
من سمع في ذكرهم جاه فزه وانتباه
وآل علوان تعلت على قمة سهيل
الفعايل شاهده والعدو حنا عماه
خذ من التاريخ سيره ووقفات ودليل
وصدقه لا قال حنا هله ولا اقرباه
من مقاديم وقشه يوم للغازي عميل
لابة فيها على لطمة العايل جراه
وقشه يوم الجهل طاغي وحده صقيل
شف خيار قسومها وسط وحدود السراه
حن نصرنا الله بنصرة محمد والخليل
يوم بايعناه والشرك هدمنا بناه
انتوارث راية العز جيل بعد جيل
واقحطان ادروعنا لا دعا داعي النجاه
صف قحطان العريبه من الطنخه يشيل
السلوم الي تناقل من العود لنماه
كلمات اغاني ظافر الحبابي شيلة ال علوان وقشه قحطان
غناء : ظافر الحبابي
كلمات : مشاري بن علوان
الحان : ظافر الحبابي