كلمات صاحب جدع حسن عبد الوهاب
لا تنجرح ولا تتوجع
أياك تآمن للجبان
أو بالكلام يوم تنخدع
صحاب كتير مايقدروش
صحاب كتير مايشرفوش
صحاب يبيعوا و مايشتروش
وصحاب تشوف منهم بدع
صاحب جدع تعيش جدع
لا تنجرح ولا تتوجع
أياك تآمن للجبان
أو بالكلام يوم تنخدع
الجدع مايموتش حقه
لو يموت السبع ياخده
والخسيس والندل دايما
متلاقيش إخلاص فـ قلبه
الجدع جدع بـ ناسه
والرجولة تكون أساسه
مهما شاف ظلم و آسية
مايطاطيش لحد راسه
مهما يا دنيا أشوف وجع
هافضل جدع مع الجدع
والبادي أظلم و اللي يظلم
يستحمل الآه والوجع
اللي ساندني أنا هاسنده
واللي جَـراحني أنا بوعده
هاعمل معاه واجب بزيادة
ودين عليا هاسدده
للعويل ماسمعش حسه
مش كلام ولسان وبس
واللي فعله ناقص وعايب
توب أصلا خيش و قش
مهما عملت يا زماني
أنا ليا هيبتي و مقامي
واللي معايا يقل بأصله
هايشوف مني وش تاني
عمري ما كنت لئيم و حويط
لا ضعفت ولا يوم نخيت
هافضل أصيل مع الأصيل
مهما كبرت ولا عليت
نصيحة لكل صاحب سوء
مهما عليت وصلت لفوق
مشيّ الشيطان أخره الندم
ومسيرك م المرار هاتدوق
صاحب جدع تعيش جدع
لا تنجرح ولا تتوجع
أياك تآمن للجبان
أو بالكلام يوم تنخدع
صحاب كتير مايقدروش
صحاب كتير مايشرفوش
صحاب يبيعوا و مايشتروش
وصحاب تشوف منهم بدع
صاحب جدع تعيش جدع
لا تنجرح ولا تتوجع
أياك تآمن للجبان
كلمات اغاني حسن عبد الوهاب صاحب جدع
غناء : حسن عبد الوهاب
كلمات : احمد السيد
الحان : حسن عبد الوهاب