كلمات صحاب السوء عمرو حسن
وعن شلة بتجمع بين تجارة وهندسة وحقوق الله اكبر
طب تجارة
ايه ده ده متفوقين اللي هنا في تمانية تجارة
وعن لمتنا ليلة العيد
وعن خطة ريال مدريد
وعن علبة سجاير كينت تتفرتك ف فيلم جديد
عن قهوة زيادة تقيل
وسقعة ف كوبري قصر النيل
وعن هزيمنا بالصدفة ف اخر ثانية م البرازيل
عن بوسة بنسرقها ف اخر كرسي ف السيما
وعن تذنيبة الواحد عشان يسمع بلاك تيما
وعن واجب ف يوم فرحك
ف غاية قلة القيمة
عن لبس ف دولاب صاحبك تشك بان ده بتاعك اه
وعن تهريج قلب بغباء ف سايب جرح ف دراعك
وعن من بكرة هنصلياه ماساه
وننسى نصلي كالعادة
واول يوم تشوف صاحبك ببدلة جيش وببيادة
وعن افلام محمد خان وعن انغام
وعن نفس السؤال اياه جايب جذمتك دي بكام
شغل المراكبية تعالى اتفضل اشرب شاي
وعن طلعتنا ع الساحل ومين قال جاي
وعن ضحكة حسن فايق وعن الحان عمر خيرت
وعن البوم منير الجاي
عن احلام حاولنا كتير نحققها وماقدرناش
عن اوقات صحيح صعبة
لكن ليها لزوم تتعاش
عن الشلة اللي انا منها
مهما باقول دي ناس صايعين
يلاقوا مصيبة نعملها الاقي نفسي قولت امين
اصحابي
يا اصيع خلق ف العالم
انا ممتن ليكو بجد
على وقفتكو وقت الجد
وع السر اللي ف صدوركوا ولا قولتوه ف مرة لحد
بشكركم وبامركم تكونوا معايا للاخر
بضحكتكوا اللي بنت بنوت
عن العشرة اللي عاوزة تعيش
ف وقت مافيه حاجات
كلمات اغاني عمرو حسن صحاب السوء
غناء : عمرو حسن
كلمات : عمرو حسن
الحان : عمرو حسن