كلمات صدوف الايام عبدالمحسن هادي
ولاحس فـي ونته ناسه وجيرانه
هموم ربعه على همه شلعهنه
ماضاق عنده رفيق وضاقو اخوانه
اليا إنشد عن علومه كيف قال إنه
الطيب طبت وعلومي كلها زانه
ظن الليالـي تـزين وخيبن ظنه
والحظ من دون وجهه صك بيبانه
صدوف الايام قالن به وسجننه
في وسط سجن عنيد الراس سجانه
سجـانه الوقت زاده ويل ماحنه
عيا عـلاه يـتعدا حدود قضبانه
ماهوب شايب جروح الوقت شابنه
يطيب جرح وتجدد تسعة وزانه
ياجعل عــلام مافـي داخله كنه
فـ اللوح حافظ من الشيطان قرآنه
يرسل عليه البراد فـ لاهب الكنه
ويرسل عليه المزون تخمد نيرانه
واللي مسبب عذابه في صغر سنه
واحرمه عز الشباب وسبب احزانه
ياجعل ربي يحرمه شوفة الجنة
والدرك الاسفل جحيم النار مسكانه
كلمات اغاني عبدالمحسن هادي صدوف الايام
غناء : عبدالمحسن هادي
كلمات : خالد ابو علوبه
الحان : عبدالمحسن هادي