كلمات صرح ابن فطيس جفران بن هضبان
طيب راس وطيب ساس يخدم اسمايته١
عزبته قصر ينومس على باب الدخول
مرحبا ينطق بها القصر فوق بنايته٢
مجلسه بالعود الازرق وبالبن معمول
ودلة الرسلان بالهيل يا خوايته ٣
مستعد للمراجل يقول وهو يطول
والمضوف مبطلينه على نصايته ٤
من صروح الطيب يبني المراجل بالفعول
صرح وابن فطيس واسمه يجمل رايته ٥
ينحت اسمه في شماريخ نابية القذول
والرماح التسع فاتت واهلها بايته ٦
ياسليل من سلالة متعبة الخيول
منهم الخيال مثل النجوم ادوايته ٧
منهم الرجال ياقف على الرجل معقول
في نحور القوم ما زاح من عدايته ٨
وان لحق منه هل الخيل ياتيهم ذهول
مثل ما يومي الهوا بالخيول اومايته٩
والزمن ذا فيهم الخير زاكين العقول
المراجل حاضره خل عاد الفايته ١٠
والرخى والامن والخير جعله ما يزول
نحمد الله والشكر فرض يا حكايته ١١
كلمات اغاني جفران بن هضبان صرح ابن فطيس
غناء : جفران بن هضبان
كلمات : علي بن صافيه المري
الحان : جفران بن هضبان