كلمات صلاة الزين سمير الاسكندراني
ياصلاة الزين علي ولادنا ياصلاة الزين
حبايبنا يااحلي زهور بتفتح في خدود بنور
اه يااغلي م الهواء والنور عايزينك دايما حلوين
بتذاكروا ودايما شاطرين وتملي تكونوا ناجحين
ياصلاة الزين علي حبايبنا ياصلاة الزين
حياتكم غاليه وبنفديها بحياتنا
ومصر حتحميها علشان بكره لما تنادي
وتقول ياولادي تقولوا نعمين يا ام الهرمين
ياصلاة الزين علي ولادنا ياصلاة الزين
ياحبايب مصر يا شطار كام خطوه وحتبقوا كبار
في السلم وعلم الاحرار حتشدوا مصر
ياحلوين تتحدوا علي علم ودين
باراده وبعزم متين
ياصلاة الزين علي حبايبنا ياصلاة الزين
بلدنا عروسه دايما حلوه اسمها علي كل لسان
غنوه مهما نقاسي روحنا فيها
وبنفديها بالروح والعين شيلاه ياحسين
ياصلاة الزين علي مصر ياصلاة الزين
كلمات اغاني سمير الاسكندراني صلاة الزين
غناء : سمير الاسكندراني
كلمات : حسين السيد
الحان : سمير الاسكندراني