كلمات ضايعه محمد الجاسم
رايحه للمدري وين
واكعه بعالم متسوه
وماكو بيهم اي حنين
وفوگ هذا الضيم كله
شايله هم ماكو مثله
شفتي انواع المذله
من شخص گلتيلي زين
هذا النطيتي مكانه
طلع مدمن عالخيانه
غدر ما صان الامانه
وطلع واحد مو كفو
انتي ماي وهو شجره
باجر ايدورله گطره
وينكسر ويموت حسره
اي لعد قابل شنو
شايفه هذا اللي عافج
ابد ما يستاهلج
جنتي تشتاقيله انتي
وحضرته ما يشتاق الج
بحبه زايد انتي رحتي
وهي هاي اخرها شفتي
وين جنتي وين صرتي
رحتي عاللي مو الج
على كل ما علينه
احنه راحتنه اشترينه
النهايه صح حزينه
بس درس علمنه هوه
خسر بس احنه الربحنه
لان مو اسود گلبنه
ابد مايوصل ضفرنه
يروح النه هو فدوه
كلمات اغاني محمد الجاسم ضايعه
غناء : محمد الجاسم
كلمات : محمد الواصف
الحان : محمود العيساوي