كلمات طرق الهجيني مشجع مسفر
من فوق طعس حول ذيك الحزومي
تبرق و ترعد فوق صدري و تدعيه
في صحوتي تقبل و تقفي حلومي
بس لحظة بعرف انا وين انا فيه
الود ودي ما يفارق هدومي
و الله احبه حب بالحيل و اغليه
تحدني لا اجيه بعض السلومي
الفارق اللي ما خلق من يجاريه
من اول يهتم و ياخذ علومي
و اليوم مدري وين داره و اراضيه
الله يرده و الغلا له يدومي
يا صاحبي بالله لا عاد تطريه
اليا تذكرته تزايد همومي
غلاه ما و الله احد غير يمحيه
في وسط قلبي ثابت و محسومي
كلمات اغاني مشجع مسفر طرق الهجيني
غناء : مشجع مسفر
كلمات : عبدالاله الحركان
الحان : مشجع مسفر