كلمات طلت اميره احمد الرجعان
فلي لهن شعر مثل ليل الادماس
يلفح على المتنين لاهب نسناس
من فوق نحر يلتهب في ضلامه
لاجات تلعب بينهن جاهن جنان
من جاكرك بالزين لاشك غلطان
عودك رواه العز والخصر جيعان
بحضورها كل تبي للسلامه
تبخري تعطري قبلة الزين
تدلعي تدللي واكحلي العين
حطمتي ارقام المهار المزايين
متسلطنه للحسن رمز وعلامه
الملعب ارضه من حلاها تهزه
تعلن تحديها بهيبه ورزه
فيها شموخ الخيل عز ومعزه
موت حمر لافك ذيك اللثامه
مدري وش الله ماخذ منك واعطاك
طلت اميره كامله في مزاياك
غمازتينك وابتسامة شفاياك
وزاد الجمال بخدك البدر شامه
طيب المجاني فيك من طيب فالك
يابنت من بالجود عزك وشالك
انا اشهد انه ناشد عن خوالك
مابين عم وخال بالمجد هامه
كلمات اغاني احمد الرجعان طلت اميره
غناء : احمد الرجعان
كلمات : فخم
الحان : احمد الرجعان