كلمات طيارة ورق احمد رمضان
نفس الزعل نحكيه ف اغاني وانتو برضوا متحسوش
نفس الوجع ، مبنامش تحس مخدتي بتعور
كنتي زي الشمس ، يوم بتحرق ، يوم تنور
انتي تمشي وانا بدور ، انتي تنسي انا استحاله
انا اسهر الليالي افكر فيكي وانتي فيه سرحانه
لسه بروح اقعد لوحدي ، اماكنا مشتقالك
ياللي كسرت قلبي كل الخير انا اتمنالك
كفة حزني مالت قولت عادي يومين هتعدي وهفرح
بس اليومين دول جرو فتره وجروا فتره وجرو فتره
وانا لسه مكاني تحس الدنيا مذنباني
زي ماتقول الدنيا لعبه وحابه كونها معذباني
تقريبا استهلكت سعادتي ، مع جناب سعادتك
مع انك من سنين سيبتيني لسه برضو بعاتبك
هكون صريح معاكي ، توب النقص عليكي لايق
بكره هتشوفيني وتدعي اقف معاكي خمس دقايق
نفسي اطير ف السما ، زي الطيارة الورق
بس البشر دي غريبه ، مكتفاني قوللي السبب ؟
نفسي اروح مرجعش ، مش عايز حد فيكوا
كفايه لحد هنا ، كل واحد من طريق
كنت بطولي واقف بس وقعت بين قلوب غدارة
انا قلبي زي سوريا ف حرب وكل يومين في غاره
وحبيت اقولك ياللي بعدت دي مش شطارة
اصطادت ف بحر الجدعنه استنقصوا وخدوا مني السنارة
انا اتهلكت وعدي الوقت ومر سنين وشهور
والناس لسه برضوا زي ماهي بتلف وتدور
زرعنا الحب ف ارض بور ، محسوبك عالزعل مجبور
الناس دي هيحسدونا حتي لو عايشين ف قبور
انا الزعل قساني ، ابعد عني انساني
لما كسرتي قلبي وزعلتيني مكانش شيئ انساني
بقالي يومين منمتش ، محكيتش ومتكلمتش
انا اه بكلم نفسي بس انا لسه متجننتش
خلاص زهقت اعمل كويس نفسي ابطل كدب
في حفله جوة دماغي وبرة الوضع مستتب
مكانش فيه حد يحب ، كله كان بيدب
يادنيا هزارك رخم ، بس كفاية ستوب لعب
نفسي اطير ف السما ، زي الطيارة الورق
بس البشر دي غريبه ، مكتفاني قوللي السبب ؟
نفسي اروح مرجعش ، مش عايز حد فيكوا
كفايه لحد هنا ، كل واحد من طريق
كلمات اغاني احمد رمضان طيارة ورق
غناء : احمد رمضان
كلمات : سيف ليو
الحان : احمد رمضان