كلمات طيور النورس محمد ثروت
وحلمت طول عمرى بالبحر والاخطار
الحلم حققته لانى صدقته
وكتبنى فى ورقته قبطان من الشطار
يا طيور النورس ياللى مقابلنى
غنوا سوا كورس واهتفوا ورا منى
حياة البحر احلى حياة ولو يقلب ويبقى نو
انا القبطان تنى وراه احايله لما يصفى الجو
يا طيور النورس ياللى مقابلنى
مركبتى اسمها توت وصغيرة شوية
لكن تقول توت توت وتطير فوق المية
مش باينة شقاوتها لان حضرتها
عجلة قيادتها ممسوكة بايديا
يا طيور النورس ياللى مقابلنى
غنوا سوا كورس واهتفوا ورا منى
حياة البحر احلى حياة ولو يقلب ويبقى نو
انا القبطان تنى وراه احايله لما يصفى الجو
يا طيور النورس ياللى مقابلنى
مشاوير وسفريات رافع لها رايتى
انا صنعتى الرحلات وهى دى هوايتى
الف كل مكان واشوف شعوب الوان
وبقية البلدان اعرفها بقرايتى
يا طيور النورس ياللى مقابلنى
غنوا سوا كورس واهتفوا ورا منى
حياة البحر احلى حياة ولو يقلب ويبقى نو
انا القبطان تنى وراه احايله لما يصفى الجو
يا طيور النورس ياللى مقابلنى
جزاير المرجان رميت عليها الهلب
ومغارة القرصان لقيتها بعد الغلب
لكن عروسة البحر فتشت عنها البحر
وسالت عنها الصخر لقيتها كدب فى كدب
يا طيور النورس ياللى مقابلنى
غنوا سوا كورس واهتفوا ورا منى
حياة البحر احلى حياة ولو يقلب ويبقى نو
انا القبطان تنى وراه احايله لما يصفى الجو
يا طيور النورس ياللى مقابلنى
كلمات اغاني محمد ثروت طيور النورس
غناء : محمد ثروت
كلمات : صلاح جاهين
الحان : هاني شنودة