كلمات طيوفه عبدالله ال فروان
اداري دمعتي وانا اصارع لهفة اشواقي
عيوني ودها بشوفه وقلبي بالخفاء يبكيه
حبيبي ساكن فكري وحبه يسكن اعماقي
احبه حب ما له حد احبه حيل وانا اغليه
كتبت الحب باوصافه شطور تملي اوراقي
خياله يسلي الخاطر وطيفه للنكد يجليه
مثل شمس السماء وجهه ينير الكون باشراقي
حبيبي للظبي صورة وصوفه للقمر تشبيه
جماله يسحر الناظر وصاله طب مشتاقي
كحيل الطرف ورموشه سهام للهدف ترميه
شفاته ثغرها باسم يلوح بزول براقي
فؤادي لا ظما نادى طيوفه للظما ترويه
معه انسى الهموم اللي سببها خاطري ضاقي
على طول الدهر مهما تمادى حاضر وماضيه
يشيب الزين باشباهه وزينه للابد باقي
ابد ما ابدله حب ملك قلبي وهو يكفيه
وليفي بالهوى والحب اسرني حسه الراقي
ابيع العمر من دونه وابيع الروح لاجل اشريه
حياتي فدوة عيونه مثيله وين ابالاقي
اطمن خاطره دايم على وقت سوى نمضيه
زماني للابد ببقى على عهدي وميثاقي
على عهدي وميثاقي
كلمات اغاني عبدالله ال فروان طيوفه
غناء : عبدالله ال فروان
كلمات : محمد ال نميس
الحان : عبدالله ال فروان