كلمات عاش راسك طالب المري
عاش راسك يالفلاحي عسى عمرك يدوم
ياكريم من سلايل بني ياس الكرام
ياس روس فالعرب وانت فيهم راس قوم
المطر رحمة ونعمة وراحة وانسجام
والهدير اللي من ايام في عرض الغيوم
ساعة اقبل في خياله مثل لون الجهام
والعرب مابين فارح ومابين مهموم
يوم مر ابو ظبي فانحنى الغيم احترام
لين حول راسه فالارض ما يبغي يقوم
لين شفنا دبي من فوقها انشق الغمام
كنها لولوة فالبحر تبغي تعوم
الغدير يغطي الارض من فوق الثمام
ما تشوف الا النقى بين وروس الحزوم
قالوا إن من ذالمطر قد لهم سبعين عام
وهم يجيهم مثلها من كفوفك كل يوم
انت حر في فضا المجد والتمكين حام
اخمرت منه الجوارح وعيت لا تحوم
انت لا صيدك حباري ولا صيدك حمام
انت صيدك للكواكب وصيدك للنجوم
يا طويل العمر والنور جلاي الظلام
والعرب من خلقة الخلق معطى ومحروم
دامني ياشيخ ما اشوفك الا فالمنام
كيف احقق حلمي اللي ماهو مثل الحلوم
كلمات اغاني طالب المري عاش راسك
غناء : طالب المري
كلمات : منصور المري
الحان : طالب المري