كلمات عالم رابع الجوكر
سبب جمال الغنوة قبح اللي بتوصفه
ساعات اللي انت شايفه يبقى اللي انت شايفه
اغلب الاوقات شجاعتك جت م الخوف اللي انت خايفه
من دوشة تل الغلطات مش سامع م السما اصوات
ب الغل وب الخوف متحاط مش عارف تاخد خطوات
كله غرز بوزه في التراب في اول نطة
هما حاولوا تاني وانت اختارت حاجز اوطى
قتلوا مننا كتير بحجة شىء اهم
خلوا الهوا اللي بيني وبينك ريحته دم
مداقوش ازاي الوجع شىء ملموس وطعمه في بقك
ظنوك بتقول مجازا ان الظلم كسر شوكتك
مش ارق اللي مسهرك للميعاد ده
كل اللي عدى مستنيك على المخدة
واللي فاكره حب قالوا عنه غدة
معظم النجوم اللي بتحكيلها مات من مدة
قتلت جزء فيك عشان يعيش اغلبك
معظم الحقيقة على ورقة في سلة مكتبك
لو رموا الشبك والتيار بدا يسحبك
وانت عومت عكس الاتجاة للحظة ده مكسبك
فرض السكوت يموت شخص بالبطيء
قص كلام من السياق يضل ناس عن الطريق
بعض الوجع داين تدان وبعضه حظك كده
في ناس بتعبد الحياة والباقي كبش فدا
وبصراحة مفيش مؤشرات ان الزمن هيدور
الضلمة اللي في عالمنا قادرة تبلع اي نور
وضع معادش مبلوع خلافنا في اصل وفروع
ملكنا لا سيف ولا دروع ملكتوا الطلق والجوع
سعرك سعر ترس في عجلة الانتاج
وبصراحة يعني من اسباب ايمانك الاحتياج
لبسوا الرجلين فردة عبدوا الحس والمادة
نزعوا المعني م الوردة ينفوا المطرة لو تندة فوقهم
شوهونا اصبح زوقنا زوقهم
اتعاطفنا لما اتعاطفوا وقولنا قوم لوط بشوقهم
قصاد الريح تفضل جدور وجدور تتقلع
اول مرة امسك كبريت العلم الازرق ولع
قتلت جزء فيك عشان يعيش اغلبك
معظم الحقيقة على ورقة في سلة مكتبك
لو رموا الشبك والتيار بدا يسحبك
وانت عومت عكس الاتجاة للحظة ده مكسبك
كلمات اغاني الجوكر عالم رابع
غناء : الجوكر
كلمات : الجوكر
الحان : beatowski