كلمات عايزين نصيف عمو كلاي
كان عندي تسجيل بدري إمبارح
عايزين نقفل دماغنا جامد
نلعب بعوامتين و زعانف
طلعت حفلة ببلونادية
بطقم جاي من عالحبلاية
زهقت مالحب و المغاغا
جريلز طرش و جاي من الساغة
و أنا صيفي زحمة و متروس ناس
حران و عايز أشم المية
سحبت فوطي و سلبات
و خدت تمنين رومي في شنطة
سكندراني بحب أبلبط
ساحبها من جليم لكليوباترا
علي شط بحر بتاع عائلات
و كله مبسوط و بيتسلطن
عايزين نصيف
نفخد و نتكيف
نقضي يومنا كويس
مش فارقة فين و إزاي و منين و بكام
سواء مكركب
سواء في يخت أو مركب
لو حتي ساحل طيب
عديها ماشية بفضل الله
خرجت مالبحر مرملها
عالشقة متسلخ و بتنهج
طلبت فرخة من المشوية
طلعت لقيت المية قاطعة
هقعد مسلخ للعصرية
و أدهنها زيت والحالة مرضية
فتحت مروحتي بهويلها
و نمت مالحر وأنا مفرهد
انا جوا الـ Pool و مسلطن نفسي
برنس ياض و محدش قدي
بوابة تفتح أخش أعدي
فأي حتة بروح و أودي
دماغي رايقة و مخي صافي
البحر جامد الموج إضافي
بنزل في شط تحتاج مطافي
بقرأ كتابي نشاط ثقافي
عايزين نصيف
نفخد و نتكيف
نقضي يومنا كويس
مش فارقة فين و إزاي و بكام
سواء مكركب
سواء في يخت أو مركب
لو حتي ساحل طيب
عديها بس أهي ماشية بفضل الله
كلمات اغاني عمو كلاي عايزين نصيف
غناء : عمو كلاي
كلمات : عمو كلاي
الحان : مستر كردي