كلمات عزاه يا قلب عبد الكريم عبد القادر
متولّعٍ في حبّ زين الوصايف
عليه قلبي دايم الدوم خفّاق
وينوح له في كل عالي ونايف
خلّي عليه امن التّواصيف ما فاق
ومن الغزال اللّي يربّ الجفايف
عين العديم اللّي على الكفّ توّاق
نادر وصقاره عشاه الخفايف
أنا الصّويب اللّي بي اجروحٍ اوثاق
قلبي يعرّض له حديد الرّهايف
يا ونّتي يسمع صداها بالآفاق
في مهجةٍ لي وتّرضف حسايف
اموّرد الخدّين دقّه على باق
عليه شفت أمن العلامه وصايف
والنّور من خدّه كما شمس لاشراق
ياضي شعاعه تحت شيل الرّهايف
عليه اجاوب ناوح الورق لقّاق
اللّي ينوح ابعاليات الشّرايف
خلٍّ احبّه من خفيّات لعماق
واحب ذكر اسمه الى مرّ طايف
كلمات اغاني عبد الكريم عبد القادر عزاه يا قلب
غناء : عبد الكريم عبد القادر
كلمات : محمد بن راشد ال مكتوم
الحان : انور عبدالله