كلمات عزوة جفيران جفران بن هضبان
والطيب اللي لجاء الازم كرب محزمه
لويسرج العذر خيله لو يحط ويشيل
يسطي عليه الشنار ويدعسه بقدمه
المطلع اللي من امس اراقبه واستخيل
افتر سير الهجوس الساطي وقدمه
سبح غزير المحيط وشرب شهد المخيل
وارقب على النايف العالي ورز علمه
غادي لشرد المعاني في ضميري صهيل
وقاف مايقلط على الابداع مانزهمه
ماللمقام الموقر غير سبك الجزيل
لاصغو هل الشعر للشاعر ومنطق فمه
اشره علي كان ماضرب بالقصيد المهيل
بيوتي مقدمه وربوعي مقدمه
ازهل ياجرمان وابشر بالحزام الجليل
انت بن عم عسى شروك مانعدمه
يالوافي اللي فعولك مثل حد الصقيل
جرمان منصى المديح وساسه ومعلمه
يانسل راع المواقف فالنهار المهيل
محمد الاصوك اللي خصمه يحجمه
مشوربن يكسب الطاله بوجه طويل
وليا وقف يكسب الناموس ويقدمه
من ربعنا اللي تعدل بالقسى كل ميل
غبيش والحمايا تطبخ في دمه
من لابه لاحتمى الماقف وطال الطويل
تكسر عناد الخصيم الطايش وتكزمه
عزوه جفيران سيسان الضفر والجميل
الزايم تهكبه والطيب تكرمه
ترعابهم نسع الغرب لاهاب الذليل
في ضفهم ترتع الحدان ومكرمه
ومناسب روس قوم تفعل المستحيل
دواسر مجدهم مايبغي مقدمه
زحول ال حمود لاكبرت وبار العميل
تنطح دهايا الزمان وخصمها تفحمه
عند ال بريك الوفاء من جيل ياصل لجيل
في صفحه المجد شف سيراتهم ملحمه
يامرحبا وارحبو ترحيب بن وهيل
اعداد من زار بيت الله وطاف حرمه
حي الله اهل المواقف والمقام الاصيل
ضيوفنا اللي على ترحاب ومكرمه
كلمات اغاني جفران بن هضبان عزوة جفيران
غناء : جفران بن هضبان
كلمات : فهيد ابن مشلح
الحان : جفران بن هضبان