كلمات على الكيف محمد عبده
محد تجي دنياه دايم على الكيف
يوم محل و اليوم الآخر مريفه
لا تلتفت تكثر عليك التحاسيف
ما فات منها مات خله بكيفه
ترقى بصيتك فوق روس المشاريف
و تمشي معك مثل الهبوب اللطيفه
إليا اقبلت لمت شتات المواليف
و إليا ابعدت ينسى وليف وليفه
ما دام أنا وياك دايم ملاهيف
و متقاسمين حبنا بالنصيفه
أنا خوي للسهر و السهر ضيف
و من عادتي لا حل ضيف استضيفه
حبك نزل بين الضلوع المهاديف
الصدق بين و النوايا شريفه
مع غيرك إنت ما تطيب السواليف
يا اللي على قلبي مزوحك خفيفه
قصة غلاك تشرف العشق تشريف
سيرة غلى بين القلوب النظيفه
إنت إليا وصفت فوق التواصيف
يا اللي لزينك كل زينه وصيفه
و ان قيل به للزين و الحسن تعريف
إنت عن اجمل ما يوصف منيفه
الناس تفرح بالمرابع و بالريف
و قربك لقلبي هو ربيعه و ريفه
كلمات اغاني محمد عبده على الكيف
غناء : محمد عبده
كلمات : محمد بن ابراهيم البراهيم
الحان : غير معروف