كلمات على شان شمر صالح اليامي
وباشات شمر ذكرها جتكم أخباره
ياشمر ذرا الخايف ياشمر ذرا المنزاح
ياهل حايل المشهور في طيب اذكاره
ياشمر هل الفزعة ليا قلت الامزاح
يادرع الشمال امن المعادين وستاره
مادام ان برق الشمري فالصياهد لاح
بترهون بالناموس تاره ورا تاره
يخالد انا عندي لك من القصيد وشاح
يقلد على متنك من ايمنه وايساره
تفضل يابو جدعان طيب المدايح فاح
سواتك لـ شفته جات الأبيات مدرارة
يابو مرحبا واهلين والخاطر المنساح
وابو مجلس كنه ينادي لزواره
يقال القمر وضاح واقول ياوضاح
ترا مجد شمر ذا مكانه وذا داره
على اخوان جوزا مدهل الطيب والامداح
سحاب تزبر شعر وانهلت امطاره
يقول اللغيصم مالفينا نبي نرتاح
نبي نسهج الميدان ونطير غبارة
مادور ورا باشات شمر على لارباح
يدور على الناموس لارزة الشارة
تقدم بوضح كلبوها خرز مسباح
تقول انه راسمها وهو يرسم افكاره
عراقيبها هزع ولحياننها طفاح
دلال بدوي مركيات على نارة
على شان شمر كافح المعضلات اكفاح
لو ان العذر مسموح ما قدم اعذاره
معه من سلايل شمر مروية لارماح
ماينطح به الغاره ويكسب به الغارة
اذا ان الفخر والطيب والمجد له مفتاح
بنلقاه عند اسلم وعبده وسنجاره
كلمات اغاني صالح اليامي على شان شمر
غناء : صالح اليامي
كلمات : فيصل البلداء
الحان : صالح اليامي