كلمات على مزملك راشد الجزوى
معك جف منكوس المفوه ومسحوبه
بيوت الحزن ما عاد غنت بها الركبان
هل الركب ملو شاعر الحزن واسلوبه
قبل كم سنه نشعا الليالي بدون عنان
من الطيش ماندري وش وجيهنا صوبه
نحسب السنين المقبله مالها ديان
واثر كل لحظات الفرح معك محسوبه
تحت دبرة الله راح كل الغلا نسيان
نجينا من سنين الغلا ذاك بعجوبه
ولا عاد طرا واقعي جفنه الكسلان
ولا وجنتيه اللي من الشمس منهوبه
تهمش تحت ضغط الليالي عزيز كان
تهمش ثقيلات المشاغل لـ مندوبه
يطريه من بد السنه غايم ودان
براده تشابه راحته راحة التوبه
نهار غثيره يرضي الخاطر الزعلان
لك الله كن الشمس بالغيم محجوبه
تخفى بعضها فـ الغثير وبعضها بان
مثل بنت عود يوم شافوه هلو به
عطوه النشاما منحر المجلس المليان
وهي تتقي من زحمة الناس في ثوبه
كلمات اغاني راشد الجزوى على مزملك
غناء : راشد الجزوى
كلمات : عبدالله الزيوح
الحان : راشد الجزوى