كلمات على هاليوم اميمة طالب
تناثر حسنك الفتان
مثل صبح
و سناه يبان
و خطواتك ظلال غيوم
على هاليوم
خصل شعرك جديل وليل
وفي عينك ينام سهيل
وتصحى الشمس فرحانه
يا سلطانه
تعالي و اجعلي الدنيا تراقص من فرحها اليوم
عروسة هالمسا و اجمل سنين العمر و أزمانه
تعالي و البسي عقدك من خيوط السما و نجوم
تعالي و منتي مثل الناس يكفي تكوني سلطانه
تمادي في وصوف الحسن قدومك ماهو اي قدوم
حروف الشعر تركض لك وكل بحوره هيمانه
قمرنا اليوم هو انتي تركنا وغادرك ملزوم
يقول انه ترك لك عرش نور في السما مكانه
واذا تتلفت الدنيا و هي تلمح خطاك غيوم
و تتسابق لك النجمات على شوفتك سهرانه
واذا هم يسألوا عنك حقيقه او خيال حلوم
تعالي وقولي انك غير تاج الحسن سلطانه
ربيبة فخرنا ممدوح من يوقف لذكره القوم
عسى في جنة الفردوس عالي منزله و شانه
واذا قلنا ذكر نايف من معزي سليل قروم
وفي ساره يطيب المدح ويسترسل بعنوانه
إلا يا بخته محمد خذا قلبك و يبشر دوم
يقول انه يشوف العمر فيك و اغلى انسانه
تعالي و اجعلي الدنيا تراقص من فرحها اليوم
عروسة هالمسا و اجمل سنين العمر و أزمانه
تهادي يا عروسة هالمسا فرحك عساه يدوم
من حدود الزمان الين يزهر بأجمل ألوانه
تهادي و امشي بهونك ضيا خطوة قدمك نجوم
تمادي وانتي غير الناس يكفي تكوني سلطانه
كلمات اغاني اميمة طالب على هاليوم
غناء : اميمة طالب
كلمات : الجادل
الحان : عزوف