كلمات عم اشتقلك مع كل شفة بلال حمزة
والقلب يعقوب ينادي
لما حبيبو ينتظر
كل يوم بيصرخ بوادي
عم اشتقلك مع كل شفة
بشربها من كاس الفرقة
بسكر بتذكر بتحسر
بتفوتي بصدري طلقة
احساسي فيكي كإنو
نبي والوحي بيضمو
ايوب بيصبر عالوجع
حتى الدوا يمسح جسمو
شوفي كيف الشوق بيترك
عليي ندوب وعلامة
وجهك بوجهي ينحفر
صوتك يطلع مع كلامي
ندمان وعم انزف بكي
عم سجل بالدمع القصة
قصتنا بعد بتنحكي
انتي بس عطيني فرصة
انتي السما وانا نجمة
مداري فيكي حفظتو
خبيتك بروحي نسمة
والقلب عليكي سكرتو
يا ناس حكولي لوفيي
كيف انساها لا مافيي
كل يوم بخطط انساها
برجع بخلقها بايديي
اسأل حالك مين الخاين
مين تجرأ يلعب بالنار
مابتلزمني لا لا تراهن
والبادي اظلم يا غدار
كنت السما بس غرورك
ما خلالك فيها مسكن
مطرود من الجنة خلي
قلبك بالجمر يتكفن
رح عيش وكمل حياتي
ما بحتاجك ولا بسأل
مدفون الوجع جواتي
خود الماضي مني وارحل
ضميرك بعد ما يصحى
يتذكر لمسة ايدينا
رح يبكي عهاك الصفحة
يلي بعناها وطوينا
مجروحة لكن لا تنطر
مني حنلك وأبكي
لو روحي لروحك تغفر
مابسمحلا حتى تحكي
كلمات اغاني بلال حمزة عم اشتقلك مع كل شفة
غناء : بلال حمزة
كلمات : شهرزاد
الحان : ايلين سليمان