كلمات عودا جميل خالد محجوب الصحافه
الموج كبار .. الريح شديد .. والدنيا ليل !
طوق النجاة
في بطنوا مطلوق الحبل .. !
شاطئ الحياة
لا بان ظهر .. لا هادي ليهو .. ولا دليل !
عصفورة ما بتعبر محيط !
وانا شايفو تامن المستحيل !
طير الرهو
ليه تشيل عصيفيري الجميل !
عند الغروب
ليه يا رهو ..ساعة الاصيل !
يسكن جناحك منفرد !
وتطوف علي وادي النخيل !
ليه يا رهو
ذهر الخميل ..تقطف مياسم روعتو !
وبشيش تشيل !
تخلي ساحات الغناء !
مشدوهة بين نايحة وعبير !
بحر الصبر
طال يا رهو .. زمناً طويل!
وانا في انتظارك .. فوق جمر !
عايش عليل !
ما ليا غير
انظر واعاين في الافق !
مترقب العود الجميل !
بعد الرحيل !
كلمات اغاني خالد محجوب الصحافه عودا جميل
غناء : خالد محجوب الصحافه
كلمات : غير معروف
الحان : غير معروف