كلمات عيال سنيد جفران بن هضبان
من بنات اعصيل عنت لـ الظروف و لـ المسافه
كسب عود في نهار المعركه ما فيه خيفه
كن ربي مرسله لـ الخصم و العدوان افه
فوقها لين افهق الخط العمومي و النصيفه
لين اوردها على عد شهيرات اوصافه
ضقت من شت البقاع اللي مواريها كسيفه
و رحت في دبرة عزيز حط في نفسي جلافه
الرجال عيونهم من صوب تقصيري كفيفه
و الردي تافه و انا مانيب اعامل كل تافه
جعل برق الرايح اللي لا شعق ينحر قنيفه
من على قبر الشمالي لا وبل يرخي اكتافه
الحمايا حاضره بالمجد و اعزومه مخيفه
شاب راسه فـ المراجل و الشعر ما شاب قافه
مرحبا في محفل اللي عاش بالنفس العفيفه
يقلط بعزمه على مجده ولا ينظر خلافه
مرحبا في محفل اللي كسبت الناموس كيفه
ايه راشد بن حمد و المجد يرضخ بعترافه
انت ربي خالقك لـ المجد يا راشد خليفه
كل مجد يمر فـ الدنيا تسوي له خلافه
في زواج محمد اقبل لـ المسير و استضيفه
مرحبا و البن الاشقر فال و البن استضافه
جعله مبارك و خالد كل شغموم حليفه
امدحه من طيب ذكره و اتنومس في زفافه
يا ولد عمي و يا درع ينومسني مضيفه
تذبح القعدان و ترحب على قل الكلافه
امدحك و انا ادري ان المدح لـ الشاعر وظيفه
في تواريخ العرب من قبل تطوير الثقافه
بس انا فارق و احب اللي مواقيفه شريفه
كل واحد يختلف في ديدنه ولا اهدافه
لا لقيت اللي يحب المدح و عزومه ضعيفه
انسفه و اعلمه فرق السطاوه و الضعافه
يا ولد من ذاع بسلوم الرياجيل النظيفه
عند شرواك السلوم اللي على دين و نظافه
من عيال سنيد لا ثارك المقلم و القذيفه
يارد الرجال منهم مثل ميراد الشرافه
و يوم عاد الوقت حرب و نهب وظروفه عنيفه
يفرقون عيالنا في كل مجد بـ كل انافه
حن هل الخيل الصفر يوم الزمن يومي بسيفه
مجدنا عين اليقين و ما تلوث بـ الخرافه
دون نقاض الجديل و دون مومية السفيفه
نبطش الفريس بطش و ما على الدنيا حسافه
كلمات اغاني جفران بن هضبان عيال سنيد
غناء : جفران بن هضبان
كلمات : فهد ال صبيح
الحان : جفران بن هضبان