كلمات عيال يابر حامد سهيل
وان كتب يستنفر الساحه ويطربها جديده
هاجسه ما ينقطع لو جفت بطون المحابر
كل يوم يصيد له من ندر أفكاره شريده
سير صوب اللابه اللي عزها من وقت غابر
قبل يبدا الحكم ونعاهد حكومتنا الرشيده
فوق جيب ما يرده لا نفود و لا معابر
يوطي الدرب العسير تقول يوطى له جريده
قاصد بالمدح شيخ من شيوخ عيال يابر
عزوة تيبر كسير الحال بالوقفه السديده
في رصيد عيال يابر مجد حق بلا مكابر
مجد يتباهي على القمة بلافعال الأكيده
صيتهم بين النشاما مستحيل ايمر عابر
كل يوم اترند في واجب وفي فزعه جديده
ناصين عبدالله بن مبخوت يا نسل الأكابر
شيخ فارق في مباديه و معانيه الحميده
ذكره المهيوب ما توفيه مدات المحابر
والله ما نوفيه لو نكتب ثمانمية قصيده
حي شيخ جود كفه ما ترك للفقر دابر
كل مديون وصله رد فايض في رصيده
كم واحد ضيقه فصدره مثل ضيق العناير
لا نخى بوخالد تنادي له الدنيا السعيده
إسمه يعلي مقام الشاعر ويخلـــق مسابر
في فضا لابداع يخلـــقله مجرات بنشيده
في يمينه طاهر و طاهر كفو والكل خاابر
العضيد اللي يشرف حظ من طاهر عضيده
واالله إنه فارق بافعال وسلــوم و مخابر
تملي عيــون المراجل فعله و مدات إيده
واعضداه الباقيين أفعالهم فعل الهزابر
يحتمون الموقف الغصاب بالهيبه الشديده
عزوة قدامهم تستسلم دهاة و جبابر
مرجع الناموس والعزه و لامجاد التليده
خصمهم ماله مفر الا مداهيل المقابر
والحليف يعيش في جنه و خيرات رغيده
والله إن عيال يابر جودهم ماله مثابر
ما يحطون الهزيل و لا يمدون الزهيده
كلمات اغاني حامد سهيل عيال يابر
غناء : حامد سهيل
كلمات : احمد المقبالي
الحان : حامد سهيل