كلمات غامد قبيلة عظمى منصور ناهض
عصم البيوت النادرات الجزيله
ولا بدعت بيوتي الا على شان
مدح النشامى كاسبين الجميله
ثلاثة رجال مطنخ وشجعان
كلن يساوي له لحاله قبيله
سلام تسليمة محبه وصفطان
عداد ما تمطر نصوب المخيله
حشمة سفر ابن قطيم ابن بشران
الشايب اللي يقدر المستحيله
يمناه تنفق بالجمايل والاحسان
ياجعل تفداه اليمين البخيله
من ماضي الايام لا وقتنا الان
لا يمكن ابن قطيم نلقى بديله
ومحمد ابن دهيسه طير حوران
ابوسعد راعي الفعول الجزيله
انا اشهد انه للمواجيب عنوان
وانا اشهد انه فارق بين جيله
مجمله فعله ما يحتاج برهان
مافيه حيله صدق مافيه حيله
وعائض بن قعيميش له بالوفا شان
مكرم ضيفه ومنجي دخيله
ابوزياد ونعم والله كحيلان
يستاهل امن الكيف بنه وهيله
لا هان عايض بن قعيميش لا هان
يقضي اللزوم ويرتكي للثقيله
شيخان ياروس الرياجيل شيخان
وقفاتكم مثل الجبال الطويله
من عزوة يرجح بها كل ميزان
عزوة بن عليبي رجال الفضيله
الاد حمروس المشايخ والاعيان
قبيلة ياطيبها من قبيله
هجاهجه والنعم اكابر وفرسان
اهل المواقف والسيوف الصقيله
وحنا بني عم وعواني وجيران
على المذاهب والسلوم الاصيله
يبقى اسمنا غامد على مر الازمان
قبيلة عظمى وهيلا مهيله
وعايض يعد المدح من قلب ولسان
ابن حبيب يمدح اهل الجميله
مسلمي يمدح طوال الايمان
ويستاهلون اغلى البيوت الجزيله
كلمات اغاني منصور ناهض غامد قبيلة عظمى
غناء : منصور ناهض
كلمات : عايض حبيب المسلمي الغامدي
الحان : منصور ناهض