كلمات غاوي دراما وليد علي

اهو اي كلام في كلام
اهو اي نكد والسلام
اصلو ازاي هيعدي شويه
من غير خناقات وخصام
عينه جاهزه بأي دموع
كل شويه فراق ورجوع
وعتاب ينفع اغنيه
وعلي الحال ده ياخد اسبوع

غاوي دراما دي شغلانه
يطهق يتحمله مين
مهما اعمله ولا اقوله
ميهونش عليه يعدي يومين

كالعاده بعدي حاجات
افضل ما اسمع روايات
انا اصلي حفظت كلامه
ممكن اعبيه اسطوانات
حقه يسوق فيها معذور
حبي مخليه مغرور
كبرت كتير علشانه
شاف نفسه وعاش الدور