كلمات غرايب الشقح فايز الشيباني
لابدى صمخ المعاني وتطويع الصعاب
ارتكا اللي يرتكي للثقيل بمنكبه
الحمايا تظهر الرجل من بيض الثياب
يمكن تروح قبيلة علشان رقبه
ايه انا اللي لا حظر سد محضار الغياب
كافلن دور القبيلة بدقنه وشنبه
اعتبرني يابن عمي رصيدن بالحساب
خل عنك اللي يحطونه الناس اعتبه
كل مازاد العيا وانفتح للشعر باب
استوت طيب المعامق وقو الموهبه
شاعرن في وقفته لايذل ولايهاب
راسين راسه وللشعر صدره مكتبه
ماعلى بيض العمايم سوى بيض السحاب
والمراجل ماتوزع على الطيب هبه
من يشوف السيل وضعه مثل وضع السراب
قله ينفذ يدينه و ياخذ تجربه
الخطا انه يحسب ان الخطا عين الصواب
والصواب اصلا يشوف الخطر ويجنبه
حط كوعك يابن شعوي على روس الهضاب
وحول بشقحن تحد الخصيم وترهبه
كل فارع طول هزعن تقل فيها انسحاب
ماتقول الا تخيل النجوم المرقبه
شيكها يهز بنك البلاد وبنك ساب
مافرح فيها شريطي يدور مكسبه
جابها اللي ماتمرجل بتصوير السناب
من عرق جبينه وبذل جهده وتعبه
ارجحن حاف المراجل مثل حوف الذياب
لين طوعها على ايديه تطويع اصعبه
ماعلى وجه الحقيقه غبار ولاضباب
من فلاح الطيب والمجد مانستغربه
قدمه اللي يشعم النار ويحث الركاب
ابن شايد ساس الامجاد نوماس اعربه
من تعزوى بالبدارين ستر ام الخضاب
الفعول مشرفه والوجيه مشببه
من جهل بعيال بدران مروين الحراب
ينشد التاريخ عنا ويلقى الاجوبه
يوم بقعا تصطفق بين ميله وانقلاب
المعارك تطحن والسيوف مخضبه
بالنهار اللي صباحه مثل ريش الغراب
اختلط دبك وعزاوي وهيبه ورعبه
ضربنا فوق الاصيلات صوطن من عذاب
ننطل الخيال ونرد راسه لركبه
حرب ربعي قمة المجد معتقة الرقاب
مجدهم من فوق الامجاد عالن منصبه
كلمات اغاني فايز الشيباني غرايب الشقح
غناء : فايز الشيباني
كلمات : عبيد البدراني
الحان : فايز الشيباني