كلمات غلطة سجاد الكعبي
عشت بغابة مو دنية
اجيت الهة بكلب صافي
و رادتني بدغش نية
و حتى اللي حسبتة وياي
هم طاح و كسر فية
و حاير يا طرف بي صوج
كلها تصيح معلية
حظيت بناس ما تسوة
يجرحوني و كلت فدوة
و هية الدنيا مو حلوة
ما نصفتني بأي واحد
عشت بدنية ما ترحم
صفيت لكل جرح مرهم
و جرح الروح ما ينضم
و ما بيها احد يساند
مشت وياي بالمكلوب
كافي وياهة ما كافي
تعبت الصور بالشوف
و صار الدمع متعافي
بعد مالي خلك كلشي
و بعد ميحملن جتافي
غشيم و صدكت بالناس
اجيت الهة بكلب صافي
مشت وياي بالمعكوس
الخشب يتبرة من الفوس
الخد من الدمع متروس
و ابجي بحركة الفاكد
الصادك بيهة ما ينحب
الدنيا تدور الجذب
الفعل الزين ضل ينذب
و تدور فعل حاقد
كلمات اغاني سجاد الكعبي غلطة
غناء : سجاد الكعبي
كلمات : مرتضى ستار
الحان : غير معروف