كلمات غنوة للسلام الشيخ امام
قد ايه القلب يعشق
لو سمع غنوة سلام
يا سلام
قد ايه الغنوة تحلا
لو بدينا بالسلام
يا سلام
قد ايه الروح تميل
و النغم يطلع جميل
و الوتر يوصل كلامه
للقلوب صافي و أصيل
قد ايه
و قد ايه
بس اقول ايه
و لا ايه
السلام دا كلمة خضرة
زي أوراق الريحان
ترتوي منها الشفايف
لما ينطقها اللسان
زوقوك الناس يا دنيا
بالكلام
عن السلام
و الكلام
غير الحقيقة
و العمل
غير الكلام
يا سلام
من هنا نبدى الكلام
يا صبابة يا مغرمين
كلنا نحب السلام
و السلام يحب مين ؟
السلام
بيحب نوره
و شوفوا نوره تبقى مين
كلمات اغاني الشيخ امام غنوة للسلام
غناء : الشيخ امام
كلمات : احمد فؤاد نجم
الحان : غير معروف