كلمات غيم فلاح المسردي
ويتقدا هجوس قبلها كان غادي
ودي اتعب على نفسي وادور طريقه
واتكبر على آكبر جرح ويصير عادي
حكم الاقدار ماتنساه ولا تعيقه
حسب مامرني ماهوب حسب اعتقادي
قبل تسعة شهور بـ فضل رب الخليقه
فتحت عينها غيم وتحقق مرادي
وردة ماهي بـ تشبه ورود الحديقه
جابها اللي كفل رزقي وشربي وزادي
جات والروح مسجونه وصارت طليقه
زودتني شعور و علمتني مبادي
قاسيه بالكفاح وبالمشاعر رقيقه
لين رفرف على هذا التناقض فؤادي
يوم دكتورها بشرني وجف ريقه
طاح دمع السعاده والحزن لا ارادي
قالو ان سمعها قاصر وهذي حقيقه
ونبرة الصوت تسمعها على شكل ايادي
وقف الوقت تحديدا بذيك الدقيقه
واعتزلت الكلام وصار الابيض رمادي
حبلي الصوتي اللي صرت ماعاد اطيقه
اتنوى بقطعه لجل ماعاد انادي
ويش ابي بالكلام إن كانه يجيب ضيقه
يكفي اشوفها و اهييييييم في كل وادي
كلمات اغاني فلاح المسردي غيم
غناء : فلاح المسردي
كلمات : عايض القرقاح
الحان : فلاح المسردي