كلمات فادي براء العويد
مبسوط و رايق و متوكل
فجاني على الرصيف
شب صغيور و متبهدل
قل لي انا فادي اللامع
نجم نجوم الشوارع
بمسح سيارات و بيع
علكة و كل الصنايع
لاه لاه يا فادي
قلتله شو اللي مخليك
تعمل هيك ويخدع فيك
تارك مدرستك هالسن
خبرني الله يخليك
قلي له له يا عمو
كلامك انا بحترمو
لكن بدي لم فلوس
بالمدرسة شو بيلمو
روقته و قلتله شوف
العلم حروف بتبني حروف
والمستقبل يحلى كتير
مو بس نعد الصفوف
شوف اللي قبلك اجيال
بكرة بتبقى رجل اعمال
او مهندس او دكتور
تتهنى و يرتاح البال
والله و سمع كلامي
و تقديري و احترامي
الكلمة الطيبة بتنفع
مو بالبهدلة يا عمامي
درس و هلا شوفو صار
من اهل بلاده لكبار
حتى يعمرو هالاوطان
نبنيهم من هم صغار
الله الله يا فادي
يا ما شا الله يا فادي
كلمات اغاني براء العويد فادي
غناء : براء العويد
كلمات : عبد القادر زين الدين
الحان : محمد بشار